Nil moror afflictos constanter prodere uultus,
Dum mihi praeniteant casti monumenta decoris.
Pinguia nam tenuem suffocant corpora sensum,
Et male farta suas conculcant uiscera mentes.
5
At mihi crux cuspis, crux scutum cruxque thoraca:
Hac tegar, hac feriam, hac pacis foedera firmem.
Haec mihi dux belli est, quo uictrix lubrica calcans
Dira cupidinei detester mella ueneni.
Ad me currentes, puerum seponite factis
10
Deque meo, iuuenes, canam praesumite uitam.